|
اختر لون المنتدى المفضل لديك منتديات منتدى منتديات المنتديات منتديات 12 شات منتديات 12 شات منتديات 12 شات منتديات 12 شات منتديات 12 شات منتديات 12 شات منتديات 12 شات منتديات 12 شات منتديات 12 شات منتديات 12 شات منتديات البنات منتديات 12 شات منتديات 12 شات منتديات 12 شات منتديات 12 شات منتديات 12 شات
 
فريق ادارة الموقع فريق ادارة الموقع
Anonymous
اليوم هو الأحد أغسطس 31, 2014 11:13 am

شات
رسائل للجوال
العاب فلاش



أزاى تحطرى مكياج كامل بنفسك لنفسك ^_^

عالم الأزياء، صور احدث صيحات الموضه للنساء، ملابس المحجبات والمزيد


@شذى@ » الأحد مارس 18, 2012 6:19 pm


صورة

ازاي نحضر البشرة قبل الماكياج هل نعمل ماسك بس ولا فيه حاجات تانية؟
في شوية خطوات بسيطة يا ريت أي بنت تعملها علشان تحضر بشرتها للماكيج وهي..


الخطوة الأولى

تغسل البشرة بالغسول أو الصابون المناسب لنوع بشرتها.

الخطوة الثانية


تنظيف البشرة من خلال التونيك باستخدام قطنه.

الخطوة الثالثة

تستخدم "الإسكراب" علشان تزيل الطبقة الميتة من على البشرة
وتستخدم "الإسكراب" مرتين في الأسبوع فقط..

الخطوة الرابعة

تضع الماسك الخاص بنوع البشرة.

الخطوة الخامسة


تحضر "ثلجة" وتمرها على الوجه لأن الثلج بيساعد على تثبيت الماكياج
لمدة أطول وبيساعد كمان على انقباض المسام.


الخطوة السادسة

تضع الماكياج.
إيه الحاجات الي ممكن البنات تعملها علشان تهتم بشرتها؟؟
ممكن البنت تهتم بشرتها عن طريق عمل حمام البخار لبشرتها
وده ممكن يتعمل في البيت بطريقتين؛

الأولى: تعرض وجهها للبخار وبعد كده تلفه بفوطة لمدة دقيقة.

الثانية: تعمل كمادات من الميه السخنة عن طريق منشفة مبلة
بالميه السخنة لمدة دقيقتين وبعد كده تغسل وجها بماء الورد.

أو إنها تهتم بشرتها عن طريق عمل الماسكات المغذية للبشرة


فيه بنات كتير بتعاني من إن بشرتها دايما مقشرة وجافة.. تعمل إيه؟؟

بالنسبة للبشرة الجافة والمقشرة دائما لازم أول حاجة تشرب ميه
كتير وتحط كريم مرطب قبل الماكياج وتعمل ماسك طبيعي عبارة عن
صفار بيضة على وشها لمدة 30 دقيقة والماسك البسيط ده بيعطي نتائج مذهلة..
والبنات الي بتعاني من إن بشرتها مليانة حبوب تعمل إيه؟

ده ماسك هايل جدا ممكن تجربه أي بنت بتعاني من مشكلة الحبوب
دي وهو عبارة عن إنها تغلي ورق كرنب وتغسل وشها بيه مرتين في الأسبوع وهتشوف الفرق..


قبل ما أحط كريم الأساس هل لازم أصلح العيوب والمناطق الغامقة في البشرة ؟


آه طبعا وده لأن كثير من البنات بتعاني من عدم تناسق لون وجهها
وبتعاني من غمقان تحت العين وحول الشفايف وحول الأنف وتعاني كمان من
انتشار بقع حمراء وبني كل الحاجات دي لها مصحات علشان كده لازم نعرف
كل عيب ونعرف العلاج بتاعه.


عايزين نعرف مصحات ألوان البشرة؟

المصحات تستخدم في بداية الماكياج علشان تخفي العيوب وكل عيب له
ألوان مناسبة والمصح بيعمل توازن للون البشرة قبل وضع كريم الأساس
فمثلا البذور الحمراء يناسب معها مصح الون الأخضر من خلال وضعه عن
طريق الإسفنجة أو بالأيد وبعد كده نضع كريم الأساس.


والمصحات دي أعرفها ازاي ومنين؟

المصحات دي عبارة عن "بالتة" واسمها" بالتة مصح عيوب
"وتحتوي على الون الأصفر –الأحمر– الموف والأخضر والبرتقالي وممكن
تلاقي كل لون لوحده في علبة ودي ممكن تلاقيها في الصيدليات الكبرى
ومراكز التجميل المعروفة وعلى فكرة أسعارها مناسبة وممكن كمان
تكون بديل عن كريم الأساس.

بالنسبة للبقع الغامقة أعمل فيها إيه؟

إذا كانت البقع الداكنة كثيرة في البشرة نستخدم مصح لونه أفتح
من لون كريم الأساس وبعد كده أستخدم درجة أغمق من لون البقع
الغامقة علشان أعمل توازن.


لو بنت عندها وحمة في بشرتها ازاي تعالجها وتخفيها بالماكياج؟

الوحمة لو كانت "حمراء" أو"بنفسجي" ممكن نصحها بالون "الأصفر"
وبعد كده نرجع نحط مصح لونه فاتح أو يكون أفتح من كريم الأساس
يعني البنت (تحط مصح لونه أصفر على الوحمة بعد كده تحط كريم أساس
وبعد كده تضع كريم أساس كامل للبشرة


معظم البنات مشكلتهم الغمقان تحت العين يعملوا إيه؟


السواد تحت العين ينقسم إلى لونين:

لون مصحوب بأزرق وده علاجه مصح عيوب لونه برتقالي.

لون مصحوب بأحمر وده علاجه إننا نضع مصح عيوب لونه أخضر
ثم نضع كريم الأساس الكامل على البشرة.


ازاي نخفي شحوب البشرة بالماكياج؟

نستعمل مصح عيوب "لونه موف" وأقوم بفرده على البشرة كلها
وبعد كده أضع كريم الأساس المناسب للبشرة علشان تعمل توازن للبشرة.


بنات كثير بشرتهم سمراء ومهما يضعوا كريم أساس لا يشعروا بأي تغير؟

أول شيء لازم يهمتوا بعمل ماسك لتفتيح البشرة من الأتربة وآثار
الشمس وبعد كده ممكن يلجأوا إلى (مصح عيوب لونه برتقالي) قبل كريم الأساس المناسب.


كريم الأساس له ألوان وماركات ازاى أعرف كريم الأساس المناسب وهل لازم يكون ماركة معروفة ؟

بالنسبة للماركة نحدها بعد التجربة.
وعلى فكرة لازم في الأول نعرف نحد نوع البشرة علشان نقدر نختار
كريم الأساس المناسب فمثلا البشرة الجافة تستخدم كريم أساس يحتوي
على نسبة عالية من المواد المرطبة وتحتوي على spf وبه مادة حماية
ضد الشمس والبشرة الدهنية تستخدم كريم أساس سائل..


وعلشان نختار الدرجة مظبوط لازم نجرب كريم الأساس في إضاءة صفراء واضحة
علشان نعرف الون المناسب ولازم نختار كريم أساس درجتين قريبتين من لون
البشرة ولازم نعمل تجربة قبل ما نشتري وكل ما كان الون مائل للون
البشرة الأساسي بيكون أحسن لأنه بيكون أقرب للطبيعة ومناسب للون
البشرة الأساسي.


وألوان كريم الأساس المناسبة لكل نوع بشرة إيه؟




الون الأصفر يناسب البشرة العادية والخالية من الإحمرار والون
البرتقالي يناسب البشرة المختلطة والتي تجمع بين الإحمرار والإصفرار
والون البيج يناسب البشرة الحساسة والبشرة البيضاء..


البشرة الدهنية تمتص كريم الأساس بسرعة إيه الحل؟



أنصح البشرة الدهنية بعمل ماسكات باستمرار وبعد كده يستخدم
(منشط مانع للدهون) موجود بالصيدليات أو تغسل بشرتها بماء ساخن
علشان الدهون تظهر وبعد كده تغسل البشرة بماء بارد وبعد كده تضع ثلجة.



ازاي أحط كريم الأساس بشكل كويس وبطريقة صح؟



دي الطريقة الصحيحة لوضع كريم الأساس.
1. نستخدم فرشة أو سفنجة أو صوابع اليد والأفضل الفرشاة
أو الإسفنجة لأن الفرشاة بتعمل توزيع كويس على البشرة والإسفنجة
بتساعد على امتصاص المناطق الي بيكون فيها كريم أساس كثير.

2. أضع شوية كريم أساس على الاسفنجة .

3. أضع شوية كريم على الصوابع.

4. أبتدي أضع كريم الأساس من نصف الوجه ويكون من جوه لبره ومن تحت
لفوق علشان نمنع البشرة من الترهل.

5. وبعد كده نضع من أول الخط عند الأنف لحد الأذن وبعد كده من منطقة
الذقن إلى منطقة الأذن والرقبة من تحت لفوق حتى منطقة الذقن.

6. أمسك الإسفنجة وأبطها على الوش علشان تعمل نوع من الضغط على الوش.



عايزين نعرف ازاي نحط الماكياج في كل جزء من أجزاء الوجه، ونبدأ بالحاجب
. ازاي أمكيج الحواجب؟


نستخدم القلم أو البودر أو الآي لاينر وده على حسب راحة البنت فمثلا
لو البنت استخدمت قلم لازم تختاره "قلم طري" ولو القلم نشف ممكن نجيب
(ولاعة) ونمرها لمدة ثانية واحدة علشان تطري القلم.

ولو استخدمت بودر فيه منه درجات زي (الأسود أو البني أو البيج) وبيكون
موجود مع البودر (فرشة مخصوصة لرسم رأس الحاجب).

وأنصح أي بنت لو لجأت لأنها تلون الحاجب لازم تراعي لون الشعر ولون
البشرة ولون العين وتعمل (كونتراست مع كل ده).


هل البنت تجري وراء شكل الموضة ولا تعمل شكل الحاجب المناسب لوجهها؟


بالنسبة للحواجب بالذات لازم البنت تعرف الشكل الي يناسبها وفيه
حواجب بطبيعتها فيها شكل 8 أو شكل دائري أو ثقيلة أو رفيعة ورسمة
الحاجب تحد بشكل الوجه فمثلا لو الوجه مليان يفضل الحواجب تكون متوسطة
وتقل من نسبة سمكها ولو الوجه رفيع يفضل الحواجب تكون سميكة.



بالنسبة للرموش الصناعية أفضل ولا نعملها بالماسكرة؟


من الأفضل إننا نستبدل الرموش الصناعية بالماسكرة لأن الرموش الصناعية
فيها (صمغ كيميائي) ممكن يضر العين ولازم نختار الماسكرة المناسبة والتي
تعطي طول وسُمك وسواد في نفس الوقت.


وازاي أحط الماسكرة؟


1. تحط الفرشاة من فوق الرمش ونطلع بالفرشاة لقدام.

2. تلف الفرشاة معاها لفوق علشان تأخذ شكل كيرلي وعلشان نغطي
المنطقة السوداء كلها الي موجودة في الرمش تقفل العين ونمشي الماسكرة
على الرمش من جوه لبره.

3. بعد كده نحط الماسكرة والعين مفتوحة من جوه لبره تاني.


4. لو شعرت البنت أن الرموش بدأت تجمد معاها تحاول تجيب أي شيء
رفيع يفرق الرموش الازقة من بعضها.


نحط الماسكرة في الأول ولا الآي شادو؟



الآي شادو في الأول لأن البودر ممكن يقع على الرموش وبعد كده نحط الماسكرة.


هل تنصحي البنات بوضع لون واحد فوق العين علشان يكون الماكياج خفيف؟


ممكن البنت تضع أكثر من لون وفي النهاية بيظهر إنه لون واحد بالإضافة
إن أي لون في العين بيرتبط بلون البس لكن الون الواحد بيفضل وضعه في
الصباح وبيفضل كمان لون فاتح علشان يوسع منطقة فوق العين.

الون الواحد بيتحط ازاي في العين؟

ممكن نحط الون على جفن العين وممكن نفرد الون كله على مساحة العين كلها
وده بيحده مساحة العين فمثلا:

لو مساحة العين ضيقة يفضل وضع الون على جفن العين وهي (منطقة القوس).
ولو مساحة العين واسعة نضعها على المساحة كلها.
ولو العين واسعة نضع أي لون.

ولو العين ضيقة لا نضع الون الأسود جوه العين ونضعه تحت العين.


عايزين ماكياج يرسم العين الواسعة ويكون أكتر من لون ويظهر إنه استايل
وخفيف في نفس الوقت؟


الخطوة الأولى

نحط لون فضي أو ذهبي في الركن الداخلي للعين.

الخطوة الثانية

نحط لون غامق زي الرمادي أو الأسود أو البني عند الطرف الخارجي للعين
والداخلي منه نحط لون سيمون أما أسفل الحاجب نحط لون فاتح زي الفضي أو الذهبي.

الخطوة الثالثة

نحد العين بخط رفيع جدا من الآي لاينر.

الخطوة الرابعة


نحد الجفن الأسفل بظل الجفون الذي يقف عند منتصف العين مع وضع الكحل
داخل العين وبالشكل ده هنقل كتير من اتساع العين


وبالنسبة للعين الضيقة ازاي ترسم أكتر من لون في وقت واحد وفي نفس الوقت يظهر خفيف؟

1. تحط لون فاتح في الركن الداخلي للعين.
2. تحط لون غامق في الطرف الخارجي للعين.
3. تحط خط رفيع من الآي لاينر أسفل العين حتى نهايتها.
4. إذا كانت العين لونها فاتح فتحد بكحل من داخل العين بلون
أسود أو بني أو زيتي وتحاول تمتنع عن وضع أي لون غامق فوق العين.


هل الآي لاينر بديل عن الكحل؟


الآي لاينر بيغمق منطقة العين ومناسب في الحفلات, لكن الكحل له
ألوان كتير وأنصح بوضع الكحل الجاف وليس الكريمي لأنه بيسيح.

وازاي نحط الكحل بطريقة تحد وتكحل العين كويس؟

في العموم معظم البنات بتحط الكحل من تحت فقط لكن البنت لازم تجرب
تكحل عينها من فوق وتحت فمثلا:
تحط الكحل جوه العين في منطقة بوذ العين وتقفل العين على القلم وتمر
القلم رايح جاي.. رايح جاي وهي قافلة عينيها وبعد كده تكحل العين
من تحت الرمش من فوق والعين مقفولة على القلم وهذه الطريقة بتكحل وتحد العين بشكل كويس.

وألوان الكحل والآي شادو الي يناسب لون البشرة إيه؟

البشرة البيضاء بشرة صريحة واضحة وغير مستحب إنها تضع ألوانا صارخة وتحاول
تضع ألوان مكتومة أو ألوان ترابية زي (الجراي والبني والبيج وألوان البرونز).

والبشرة القمحية يتناسب معها ألوان (الزيتيات) زي الأخضر والأزرق
والتركواز والبني بدرجات معينة.


الطريقة الصح لوضع أحمر الخدود؟

أحسن طريقة لوضع أحمر الخدود هي إننا نحطه من نصف الخد وبعد كده نأخذ
الفرشاة لوراء عند الأذن بعد كده هنجد أن كمية أحمر الخدود راح نصفها
بين نصف الخد وحتى الأذن نيجي تاني على قدام وبعد كده نحط على الأنف وعند
القورة بشكل قوس يعني نيجي من عند الجبين من ناحية اليمين ونزل حتى عضمة
الأذن وبعد كده نحط في الذقن.


الأنف الضخمة ازاي أداريها في الماكياج؟


فيه قاعدة بتقول أي حاجة عايزين نبعدها عن العين نغمقها
وأي حاجة عايزين نقربها من العين نفتحها.

يعني لو الأنف ضخمة أغمقها درجتين أغمق من درجة كريم الأساس الأصلي وده
طبعا عن طريق "مصح الألوان الي اتكلمنا عليه في الأول "وبيكون لونه
بيج غامق.البنات محتارة تستخدم محد


الشفايف أغمق من الروج ولا العكس؟

أنصح البنات تستخدم المحد بنفس لون الروج يعني تحط المحد وتفرشه على
الشفايف بفرشاة وبعد كده تحط الروج علشان الروج لو اتمسح يبقى آثار
المحد موجودة على الشفايف


إيه الفرق بين الجلوس وبين الروج؟


الروج بيكون مط وكريمي و"الجلوس"روج لزج وهو نوع من أنواع الروج
وموجود منه ألوان وموجود منه لون طبيعي قريب جداً من لون الشفايف
الأصلي وموجود منه كمان ملمع للون الروج..

وبالنسبة لألوان الروج للبشرة البيضاء فيتناسب معها الون البني
الفاتح وبالنسبة للبشرة القمحية يتناسب معها الون الأحمر والبني والعسلي.


ازاي أحافظ على أدوات الماكياج؟


لازم أهتم بنظافة الفرشاة لأنها عامل كبير لانتقال البكتريا للبشرة وأنظفها
عن طريق "بيبي لوشن" لأنه من غير كيماويات..

وبالنسبة للماسكرة بلاش ندخلها ونخرجها في نفس الوقت لأن ده بيساعد على
دخول الهواء وبيساعد على نشفان الماسكرة..

والطريقة الصحيحة إننا ندخل الماسكرة ونلفها وبعدين نضعها على
الرموش, أما بالنسبة للآي شادو وأحمر الخدود والروج نعرف صلاحيتهم من الرائحة والطعم.

انا بريئة من كل واحدة تستخدم الحاجات اللى فوق فى غضب الله او تحطها قدام اى حد غير محارمها

آخر تعديل بواسطة @شذى@ في الأحد مارس 18, 2012 6:25 pm، عدل 1 مرة
صورة العضو الشخصية
@شذى@

عضو مميز
 
مشاركات: 6933
اشترك في: الثلاثاء يناير 25, 2011 6:43 pm
الحالة : غير متصل
مكان: بين الزهور


mǾ3ŦЭź » الأحد مارس 18, 2012 6:25 pm


انا دخلت غلط :shock: :mrgreen:
صورة العضو الشخصية
mǾ3ŦЭź

عضو نشيط
 
مشاركات: 2119
اشترك في: الأربعاء أغسطس 10, 2011 6:07 am
الحالة : غير متصل
مكان: 12allchat


@شذى@ » الاثنين مارس 19, 2012 8:45 am


mǾ3ŦЭź كتب:
انا دخلت غلط :shock: :mrgreen:




هههههههههههههههههههههههههههههههههههههههههههههههههههه
أهو تاخد خبرة
نورت معتز
صورة العضو الشخصية
@شذى@

عضو مميز
 
مشاركات: 6933
اشترك في: الثلاثاء يناير 25, 2011 6:43 pm
الحالة : غير متصل
مكان: بين الزهور


بطوطة القطقوطة » الاثنين مارس 19, 2012 8:54 am


mǾ3ŦЭź كتب:
انا دخلت غلط :shock: :mrgreen:



ههههههههههههههههههههههه متاكد انك دخلت غلط


:mrgreen: :mrgreen: :mrgreen: :mrgreen: :mrgreen:
صورة العضو الشخصية
بطوطة القطقوطة

عضو مشارك
 
مشاركات: 647
اشترك في: السبت فبراير 18, 2012 7:08 am
الحالة : غير متصل


بطوطة القطقوطة » الاثنين مارس 19, 2012 8:55 am


تسلمي شذي

الخطوات طويله بس حلوه مفيده ومعلومات مهمه
صورة العضو الشخصية
بطوطة القطقوطة

عضو مشارك
 
مشاركات: 647
اشترك في: السبت فبراير 18, 2012 7:08 am
الحالة : غير متصل


@شذى@ » الاثنين مارس 19, 2012 10:03 am


بطوطة القطقوطة كتب: تسلمي شذي

الخطوات طويله بس حلوه مفيده ومعلومات مهمه



تسلمى حبيبتى نورتينى
أقرى بتركيز حتى لو مش بتحطى مكياج هتستفيدى للبشرة عموما
صورة العضو الشخصية
@شذى@

عضو مميز
 
مشاركات: 6933
اشترك في: الثلاثاء يناير 25, 2011 6:43 pm
الحالة : غير متصل
مكان: بين الزهور


العودة إلى عالم الأزياء وأحدث صيحات الموضة